最壞的公關

最忙的時候, 一定收到令人火滾的電話 ﹕

"喂, 你好呀, 我係 xx 品牌/公司打來嘅, 前日寄咗一份 press release 畀你, 你收唔收到？"

我心中 "妖" 一聲, 口中答﹕收到。

然後她會好開心地問﹕"咁今期會唔會出呀？"

我答﹕"我哋睇吓內容再決定。" 盡快收線。

其實我已著火, 內心詛咒﹕

#*& *79! =(+#. $\;*~..... 小姐, 我唔識你, 你為何打我手提電話？你搵邊位？你係邊個, 冇名架？我一日收益成千上萬的郵件, 點會知你講邊份？就算知, 都唔想幫你出!!!

這些不報姓名的妹妹, 大概都是公關公司請的part-time, 像機械人一般, 逐個電話打, 用彷彿很熟絡的語調, 完成指定動作, 然後收線。

這是最壞的公關, 而且完全失敗。除了使人反感, 毫無效果。

可是, 這種電話就像廢氣, 愈來愈多。

各位公關大哥大姐, 請稍為用吓腦, 不要再製造這種滋擾了好嗎？